2.5 KiB
A tema de esta loca ueb
Introdui
Asi es la loca ueb personal de Lucien Cartier-Tilet, ance conoseda commo “P’undrak” o “Phundrak”.
Lo es scriveda con Vuepress e es completa de fonte abrida. On pote trova la testo de fonte sur mea loca ueb Gitea personal.
Do es ospitada esa loca ueb?
Esa loca ueb es ospitada sur mea servador ueb personal, en la site de
Bron en Frans, como la majoria de mea locos ueb.
labs.phundrak.com e mail.phundrak.com
ambos es ospitada on servadores ueb ce me lua a Scaleway e OVH Frans
en ordina, e esa servadores simil es en Frans.
Cucis
Ce es cucis
Cucis es peti fixes registrada par un loca ueb sur tua computa o telefoneta cuando te lo visita. An si no tota la locas ueb usa lo, los es an con tota estrema comun. Los capasi esa locas ueb a funsiona coreta o plu eficas.
Esa loca ueb usa cucis con la ojeto de recorda tua prefere, como ance la lingua o la motif ce te ia eleje. Lo ance usa cucis de mi personal Matomo par sabe lo ce lo usores de esa loca ueb fa asi, ma Matomo trasa lo sola sur mea locas ueb.
An tal, esa loca ueb es protejeda par Cloudflare, esa compania ance pote ospita alga cucis afin lo recorda si tu surfador es un risca par me loca ueb o no.
Como me pote controla la cucis sur mea computa?
Si te no vole ce Cloudflare o Matomo recorda cucis, un bon anti-comersial como uBlock Origin ta pote te proteje (es la plu eficas ce me conose). Matomo ance respecta la demanda “no trasa me” de surfadores.
Te pote ance supresa con mano la cucis de tua surfador, ma me no pote te dise como, lo ave tro ce esiste. Ma te pote xerca sur DuckDuckGo, Qwant o Startpage como supresa lo (me suposa ce si tu vole supresa lo, te vole evita Google).
E la otra metodos afin de trasa?
Lo esista otra metodos plu sutil afin de trasa usores sur la interede, o an con epostas o cada contenida ueb, como pixeles spia (imajes estrema peti), cucis Flash o ojetos local compartida.
Ma esa loca ueb no usa lo.
Esa loca ueb usa comersiales intendeda?
Lo no ave no comersiales. Si te lo vide asi, te ave un virus sur tua computa o surfador.
Ave esa pajina frecuente refrescis?
Me dona esa pajina un refresci aora e alora cuando lo debe a mostra cambias de funsiona de mea loca ueb, o si me trova eras. Te pote trove la ultima refresci de esa pajina a supra.
Me ave otra demandas
Te pote scrive me un eposta a la adirije de eposta lucien@phundrak.com.